🎗️1 желтоқсан — ЖИТС-ке қарсы халықаралық күрес күні. Бұл күн АИВ және ЖИТС проблемасының жаһандық маңызы туралы еске салып, алдын алу, тексеру және емдеу мәселелеріне назар аудартады.

Бұл күн — осы диагнозға тап болған адамдарды қолдау және өзімізді және жақындарымызды қалай қорғауға болатыны туралы біліммен бөлісу мүмкіндігі.

Есіңізде болсын, АИВ тестілеуі — бұл денсаулыққа алғашқы қадам және алдын алу шараларының маңызды бөлігі. Біз вирус таралуын тоқтату және әлемді хабардар әрі қамқор ету үшін әрекет ете аламыз және міндеттіміз.

 27.11.2024 “Зорлық-зомбылықсыз 16 күн”, “Қатыгездік пен зорлық-зомбылықсыз балалық шақ” Халықаралық акциясы аясында №19 орта мектеп оқушыларымен емханамыздың “Шуақ” жастар денсаулық орталығы психологтары тренинг өткізді. 

Бұл күн біздің емхана үшін ерекше болды. Еліміздің денсаулық сақтау саласына айрықша үлес қосқан бірқатар дәрігерлеріміз зор құрметке, лайықты марапаттарға ие болды! Әрбірі — өз саласында дара, ел мақтанышы. Олардың атқарған ерен еңбегі, асқан жауапкершілігі, пациенттерге деген жанашырлығы мен қамқорлығы барша әріптестері мен халықтың көңілінен шығып, биік бағасын алып отыр.

✨ Кулшыкова Роза Жаймақызы — «Еңбек Ері» атағын алды. Ол өзінің сан жылдық қажырлы еңбегімен, асқан кәсібилігімен жастарға үлгі болып келеді. Адамгершілігі мол, жанашырлық қасиеті жоғары бұл дәрігер өз ісін шын жүректен сүйетіндіктен халықтың құрметіне бөленіп жүр.

✨ Рахимжанова Гүлнара Советқызы — «Денсаулық сақтау ісінің үздігі» атағына лайық деп танылды. Емханамызда 10 жылдан астам уақыт қызмет етіп жүрген Гүлнара Советқызы өз ісіне адалдығымен, зор құрметімен көзге түсіп келеді. Науқастардың көңілінен шығып, емхана ұжымына ерекше үлесін қосып келе жатқан білікті маман.

✨ Муканова Сания Омарқызы — «Қазақстан Республикасының денсаулық сақтау саласының дамуына қосқан үлесі үшін» төс белгісімен марапатталды. Өзінің жоғары іскерлік қасиеттерінің арқасында әріптестері мен пациенттері арасында алғысқа ие болып, жас мамандар үшін үлкен тәлімгерге айналған. Ол әр пациентіне жылулықпен қарап, олармен тығыз байланыс орната білетін жоғары деңгейдегі кәсіби маман.

✨ Қасымова Гүлбайра Асетқызы — «Денсаулық сақтау ісіне қосқан үлесі үшін» төс белгісін иеленді. Оның қолының шипасын іздеген науқастар алыс-жақын қалалардан, тіпті шет елдерден арнайы келіп, тек Гүлбайра Асетқызына қаралуға тырысады. Оның көпжылдық тәжірибесі, жоғары білімі, науқастарға деген ыстық ықыласы арқасында әрдайым алғысқа бөленіп келеді.

Бұл марапаттар біздің дәрігерлеріміздің еңбектерінің шынайы көрінісі мен лайықты бағасы деп білеміз. Олардың әрқайсысы денсаулық сақтау саласында биік жетістіктерге жетіп, елге қызмет етудің асыл үлгісін көрсетуде. 🌿

Марапаттарыңыз құтты болсын, қадірлі дәрігерлер!❤️Сіздердің еңбектеріңіз тек қана халықтың алғысына бөленіп, шипа жолындағы қадамдарыңыз әрдайым сәтті болсын! Отбасыларыңызға амандық, жұмыстарыңызға толағай табыстар тілейміз! 🙏

Ізгі ниетпен, Алтыншаш Жұмашқызы